ஐ.எஸ்.ஐ இயக்கத்தை இராணுவ நடவடிக்கையால் மட்டுமே கட்டுக்குள் வைக்க முடியும்  என்று, வாழும் கலை அமைப்பைச் சேர்ந்த ஸ்ரீ ஸ்ரீ ரவிசங்கர் தெரிவித்துள்ளார்.

வட கிழக்கு மாநிலங்களில் அமைதியை நிலைநாட்ட, ஐஎஸ் ஐஎஸ் தீவிரவாத இயக்கத்தின் நடவடிக்கைகளைக் கட்டுப்படுத்த நிகழ்ச்சி ஒன்றை நடத்தத் திட்டமிட்டு இருந்தார் ஸ்ரீ ஸ்ரீ ரவிசங்கர். ஆனால், இவருக்கு ஐஎஸ் ஐஎஸ் இயக்கம் தலை துண்டிக்கப்பட்ட ஒரு மனிதரின் புகைப்படத்தை அனுப்பி வைத்ததாகத் தகவல் வெளியிட்டுள்ளார் அவர்.

எனவே, தமது நிகழ்ச்சியின் மூலம் அமைதியை நிலை நாட்டுவது என்பது இயலாதது என்று தெரிவித்துள்ள ஸ்ரீ ஸ்ரீ ரவிசங்கர், ராணுவ நடவடிக்கையால் மட்டுமே ஐஎஸ் ஐஎஸ் இயக்கத்தை கட்டுக்குள் கொண்டு வந்து வட கிழக்கு மாநிலங்களில் அமைதியை நிலை நிறுத்த முடியும் என்றும் அவர் மேலும் கூறியுள்ளார்.