ஆறுமுகக் கூட்டணிக்கு இப்போது ஏறு முகமாகவே இருக்கிறது என்று தேமுதிக தலைவர் விஜயகாந்த் கூறியுள்ளார்.

அந்தியூர், ஈரோடு தொகுதிகளில் விஜயகாந்த் தேர்தல் பிரச்சாரம் செய்து வருகிறார். அப்போது அவர் சென்னையில் தேமுதிக அலுவலகம் தாக்கப்பட்டது குறித்துக் கருத்துக் கூறினார். தோல்வி பயம் காரணமாகவே தேமுதிக அலுவலகம் ,தாக்கப்பட்டது என்றும், தேமுதிக-மக்கள் நலக் கூட்டணி என்கிற ஆறுமுகக் கூட்டணிக்கு வெற்றி வாய்ப்பு ஏறுமுகமாகவே உள்ளது என்றும் கூறினார்.

இந்த விஜயகாந்த் எதற்கும் பயந்தவன் அல்ல என்றும் விஜயகாந்த் கூறினார். நேற்று நள்ளிரவு தேமுதிக அலுவலகம், அடையாளம் தெரியாத சிலரால் கல்வீச்சுத் தாக்குதலுக்கு உள்ளானது என்பதுக் குறிப்பிடத் தக்கது.கடந்த சில தினங்களுக்கு முன்னர் ரஜினிகாந்த் போல தாம் பயந்தவன் அல்ல என்றும், அரசியல் தைரியமாக கால் பதித்தேன் என்றும் விஜயகாந்த் கூறினார். இதனால் அன்று முதல் விஜகாந்துக்கு எதிராக ரஜினி ரசிகர்கள் பல்வேறு வகையில் எதிர்ப்புக்களைத் தெரிவித்து வருகின்றனர் என்பதுக் குறிப்பிடத் தக்கது.