திமுக ஆட்சிக்கு வந்தால் ஜல்லிக்கட்டு நடத்துவது உறுதி என்று திமுக தலைவர் கருணாநிதி கூறியுள்ளார்.

மதுரையில் நேற்று தேர்தல் பிரச்சாரம் மேற்கொண்ட கருணாநிதி,  ஜல்லிக்கட்டுப் போட்டிகள் நடைபெறாததற்கு திமுகதான் காரணம் என்று ஜெயலலிதா கூறியதை மறுத்துப் பேசினார். காளைகளை காட்சிப் பொருளாக்கும் நடவடிக்கைகளுக்கு ஜெயலலிதா எதிர்ப்புத் தெரிவிக்காதது ஏன் என்று கருணாநிதி கேள்வி எழுப்பியுள்ளார். திமுக ஆட்சிக்கு வந்தால் மதுரையில் ஜல்லிக்கட்டுப் போட்டிகள் நடத்த சட்டம் கொண்டு வருவதுக் குறித்து மத்திய அரசுடன் இனக்காமான முறையில் பேசி, அதை நிறைவேற்ற உள்ளதாகத் தெரிவித்தார்.

திமுக ஆட்சிக்கு வந்தால், ஜல்லிக்கட்டுப் போட்டிகள் நடத்தப்படும் சேது சமுத்திரத் திட்டம் நிறைவேற்றப் பாடுபடுவோம் என்று கருணாநிதி கூறியுள்ளார். ஜல்லிக்கட்டுக் காளைகள் துன்புறுத்தப்படும் விலங்குகள் பட்டியலில் இருந்து நீக்க நடவடிக்கை மேற்கொள்ளப்ப்படும் என்றும் கருணாநிதி மேலும் கூறியுள்ளார்.