ஜனாதிபதி மைத்திரிபால சிறிசேன முன்னிலையில், ஐக்கிய தேசியக் கட்சியின் தலைவர் ரணில் விக்ரமசிங்க பிரதமராக நாளை ஞாயிற்றுக்கிழமை காலை 10.00 மணிக்கு பதவியேற்கிறார்.

ஜனாதிபதிக்கும், ரணில் விக்ரமசிங்கவுக்கும் இடையில் நேற்று வெள்ளிக்கிழமை இடம்பெற்ற தொலைபேசி உரையாடலினூடு பதவியேற்பு நிகழ்வு உறுதி செய்யப்பட்டுள்ளது.

இதனிடையே, கடந்த ஒக்டோர் 26ஆம் திகதி ஜனாதிபதியால் பிரதமராக நியமிக்கப்பட்ட மஹிந்த ராஜபக்ஷ இன்று சனிக்கிழமை தனது பதவியிலிருந்து இராஜினாமாச் செய்யவுள்ளார்.

புதிய அமைச்சரவை எதிர்வரும் திங்கட்கிழமை பதவியேற்கும்.