மட்டக்களப்பு விநாயகபுரம் பகுதியில் இளம் தாய் ஒருவர் இனம்தெரியாத குழுவினரால் அடித்துக்கொல்லப்பட்டுள்ளார். நள்ளிரவு நேரம் வீட்டை உடைத்துக்கொண்டு உள்ளே நுழைந்த இக்குழுவினர் இளம் தாயாரை நித்திரையிலேயே அடித்துக்கொன்றுள்ளனர்.கடந்த சனிக்கிழமை இரவு 11 மணியளவில் இந்த சம்பவம் இடம்பெற்றதாக விசாரணைகளை மேற்கொண்டுவரும் கல்குடா காவல்துறையினர் தெரிவித்துள்ளனர்.
விநாயகபுரம் பகுதியை சேர்ந்த கமலேந்திரன் கோமதி (வயது 21) என்ற ஒரு பிள்ளையின் தாயாரே இவ்வாறு அடித்துக்கொல்லப்பட்டவர் ஆவார்.
சம்பவத்துடன் தொடர்புடையவர்கள் என்ற சந்தேகத்தின்பேரில் இருவரை கல்குடா காவல்துறையினர் கைது செய்துள்ளனர். பிரேத பரிசோதனையின் பின்னர் படுகொலை செய்யப்பட்ட இளம் தாயின் சடலம் அவரது உறவினர்களிடம் ஒப்படைக்கப்பட்டுள்ளது
0 Responses to இளம்தாய் நித்திரையில்வைத்து அடித்துக்கொலை! : மட்டக்களப்பு