இன்று காலை சிங்கப்பூரில் மரணமடைந்த டெல்லி மருத்துவக் கல்லூரி மாணவிக்கு அஞ்சலி செலுத்த வந்த டெல்லி முதல்வர் ஷீலா தீட்சித்துக்கு ஆர்பாட்டக்காரர்கள் கடும் எதிர்ப்பு தெரிவித்துள்ளனர்.

உயிரிழந்த மாணவியின் பூதவுடல் சிங்கப்பூரில் இருந்து தனி விமானம் மூலம் டெல்லிக்கு கொண்டுவரப்படுகிறது. இந்நிலையில், அவருக்கு ஆம் ஆத்மி கட்சியினர் மற்றும் பல மாணவ அமைப்புக்கள் ஒன்று கூடி, டெல்லி ஜந்தர் மந்தர் பகுதியில் காலைமுதல் மவுன அஞ்சலை செலுத்தி வருகின்றனர்.

டெல்லி முதல்வர் ஷீலா தீட்சித்தும் பாதிக்கப் பட்டு உயிரிழந்த மாணவிக்கு  அஞ்சலி செலுத்த ஜந்தர்மந்திர் பகுதிக்கு சென்றார். அங்கு ஷீலா தீட்சித்த்தைக் கண்டதுமே, அவருக்கு எதிரான கோஷங்களை எழுப்பி மாணவர்கள் போராட்டத்தில் ஈடுபட்டனர். அங்கு தள்ளு முள்ளு ஏற்படும் நிலை உண்டாகவே, ஷீலா தீட்சித் வெறும் மெழுகுவர்த்தியை ஏற்றிவைத்து விட்டு உடனடியாக கிளம்பியுள்ளார்.

இன்று காலை தொடக்கம் மாலைவரை ஜந்தர் மந்தர் பகுதியில் உயிரிழந்த மாணவிக்கு மாணவ அமைப்புக்கள் மெழுகு வர்த்தி ஏற்றிவைத்து மௌன அஞ்சலை செலுத்தியது  குறிபிடத் தக்கது.