வீண் கலகங்களை ஆதரிக்கும் அரசு எங்களுக்குத் தேவையில்லை என்பதால் தனித்து போட்டியிட முடிவு செய்துள்ளதாக மேற்கு வங்க முதல்வர் மம்தா பானர்ஜி தெரிவித்து இருக்கிறார்.

கொல்கத்தாவில் நடைபெற்ற திரிணமுல் காங்கிரஸ் பொதுக்கூட்டத்தில் கலந்து கொண்டு உரையாற்றிய மம்தா பானர்ஜி, மக்களவைத் தேர்தலில் மேற்கு வங்கத்தில் தனித்து போட்டியிட்டு பெரும்பான்மை தொகுதிகளை வெல்வோம் என்றும், மத்தியில் மாற்று சக்தி அரசமைக்க திரிணமுல் காங்கிரஸ் பெரும் சக்தியாக விளங்கும் என்றும் அவர் கூறியுள்ளார்.

ஊழலுக்கு எதிராகவும், மத சார்புடமைக்கு எதிராகவும் போராடி வரும் திரிணமுல் காங்கிரஸ் கட்சிக்கு ஒற்றுமை, ஒருமைப்பாடு, மத நல்லிணக்கம் என 3  தாரக மந்திரங்கள் என்றும் குறிப்பிட்டு உள்ளார். வீண் கலகங்களை ஆதரிக்கும்  அரசுக்கு தங்களது ஆதரவு கிடைக்காது என்றும், வரும்காலத்தில் இந்தியாவின் மேம்பாட்டு வழியை திரிணமுல் காங்கிரஸ்தான் கைகாட்டும் என்றும் மம்தா பானர்ஜி கூறியுள்ளார்.