சிரேஷ்ட சிங்கள ஊடகவியலாளர் மெல் குணசேகர இனந்தெரியாத சிலரின் கத்திக் குத்துக்கு இலக்காகி உயிரிழந்தார்.

பத்தரமுல்ல - சுபூத்திபுர பகுதியில் உள்ள அவரது வீட்டில், அவர் தனியாக இருந்த போது, அடையாளம் தெரியாத சிலர் அவரை கொலை செய்திருப்பதாக தெரிவிக்கப்படுகிறது.

கொலை செய்யப்பட்ட வேளையில் அவரது வீட்டில் வளர்க்கப்பட்ட நாய் குரைக்கவில்லை என்று அவரது வீட்டின் அயலவர்கள் தெரிவித்துளளனர்.
இந்த நிலையில் குறித்த வீட்டுக்கு வழமையாக வரும் தரப்பினராலேயே அவர் கொலை செய்யப்பட்டிருக்கலாம் என்று காவற்துறையினர் சந்தேகம் வெளியிட்டுள்ளனர்.

மெல் குணசேகர பிரான்சின் ஏ.எப்.பி ஊடகத்தின் ஊடகவியலாளராகவும், இலங்கையின் பல பத்திரிகைகளிலும் கடமையாற்றியுள்ளார்.
அத்துடன் அவர் தற்போது பிட்ச் தரப்படுத்தல் நிறுவனத்தின் இணை உதவி பணிப்பாளராகவும் செயற்பட்டுள்ளார்.