40 தொகுதிகளிலும் காங்கிரஸ் தனித்துப் போட்டியிடும் என்று மத்திய நிதி அமைச்சர் ப.சிதம்பரம் கூறியுள்ளார்.

தமிழகத்தில் காங்கிரஸுடன் திமுக கூட்டணி இல்லை என்று உறுதியாகிவிட்ட நிலையில், தமிழகத்தில் காங்கிரஸ் 40 தொகுதிகளிலும் தனித்துப் போட்டியிடும் என்று சிதம்பரம் கூறியுள்ளார். சிவகங்கை மாவட்டம் மானாமதுரையில் நிகழ்ச்சி ஒன்றில் கலந்துக் கொண்டு பேசிய சிதம்பரம் மேற்கண்டவாறு கூறியுள்ளார்.

தமிழகத்தில் காங்கிரஸ் திமுகவுடன் கூட்டணி வைத்து இருந்த நிலையில், இந்த முறை காங்கிரஸுடன் கூட்டணி இல்லை என்று திமுக முன்னரே அறிவித்து இருந்தது. இதுவரை பொறுமைக் காத்துவந்த காங்கிரஸ் இப்போது, தமிழகத்தில் தனித்துப் போட்டியிட முடிவு செய்து உள்ளதாகத் தகவல் வெளியான நிலையில், ப.சிதம்பரமும் இதை உறுதி செய்துள்ளார் என்பது குறிப்பிடத் தக்கது.