சாலைமறியல், ரயில் மறியல், அரசுப்பேருந்துக்கு தீவைப்பு, ராஜபக்சே உருவபொம்மை எரிப்பு என ராமேஸ்வரம் முழுவதும் கலவர பூமியாக மாறிபோயுள்ளது.

 போதை பொருள் கடத்திய வழக்கில் தமிழகத்தை சேர்ந்த 5 மீனவர்களுக்கு இலங்கை கோர்ட் மரணத்தண்டனை விதித்து தீர்ப்பளித்துள்ளது. இந்த தீர்ப்பு ராமேஸ்வரம் மீனவர்களுக்கு பெரும் அதிர்ச்சியை அளித்துள்ளது. மேலும் இந்த தண்டனைக்கு எதிராக குரல் கொடுக்கப் போவதாக மீனவ அமைப்புகள் தெரிவித்துள்ளன.

அ.தி.முக., , தி.மு.க., பா.ஜ., உள்ளிட்ட தமிழக அரசியல் கட்சிகளும் எதிர்ப்பு கடும் தெரிவித் துள்ளன.

2011- ல் இந்தியாவில் இருந்து கொழும்புவுக்கு போதை பொருள் கடத்தியதாக வழக்கு தொடரப்பட்டது. இந்த வழக்கில் தமிழக மீனவர்கள் 5 பேர் மீதும், இலங்கையை சேர்ந்த 3 பேர் மீதும் குற்றம் சாட்டப்பட்டது. 8 பேரும் வெளிக்கடை சிறையில் அடைக்கப்பட்டனர்.

இந்த வழக்கில் மீனவர்கள் 8 பேருக்கும் கொழும்பு கோர்ட் மரணத்தண்டனை விதித்து தீர்ப்பளித் துள்ளது. இந்த தீர்ப்புக்கு இலங்கை மேல் கோர்ட்டில் அப்பீல் செய்ய நவம்பர் 14ம் வரை கால அவகாசமும் அளிக்கப்பட்டுள்ளது.

 தண்டனை விவரம் அறிந்த ராமேஸ்வரம் மீனவர்கள் கடும் கொதிப்படைந்தனர். மதுரை- ராமேஸ்வரம் சாலையில் மீனவர்கள் சாலை மறியலி ஈடுபட்டனர். மேலும் இங்கு இருந்த கயிறுகளுக்கு தீ வைத்தனர். தங்கச்சிமடத்தில் ரயில் தண்டவாளம் 300 மீட்டர் அளவுக்கு தகர்க்கப்பட்டுள்ளது. இதனால் மதுரை -ராமேஸ்வரம் தேசிய நெடுஞ்சாலையில் போக்குவரத்து நிறுத்தப்பட்டது. ரயில்களும் நிறுத்தப்பட்டன. தொடர்ந்து அங்கு பதட்டம் நீடிக்கிறது.

 ராமேஸ்வரம் ரோட்டில் சுமார் 10 ஆயிரம் மீனவர்கள் திரண்டுள்ளனர். ஏறக்குறைய 5 மி.மீட்டர் தூரத்திற்கு மீனவர்கள் கையில் பயங்கர ஆயுதங்களுடன் சுற்றி வருகின்றனர். பாம்பனில் இருந்து ராமேஸ்வரம் சென்ற அரசு பஸ் ஒன்றுக்கு தீ வைக்கப்பட்டது . 2 அரசு பஸ்கள் உடைக்கப்பட்டன. ரயில் தண்டவாளத்தில் தீ வைக்கப்பட்டதால் ராமேஸ்வரம்- சென்னை ரயில்கள் அடியோடு நிறுத்தப்பட்டுள்ளன. பதட்டம் நீடிக்கிறது.