புதிய இயக்கம் ஆரம்பிக்கப் போவதாகவும், லட்சக்கணக்கான தொண்டர்களின் வேண்டுகோளுக்கு இணங்கி இந்த முடிவை எடுத்துள்ள தாம், காங்கிரஸ் கட்சியிலிருந்து விலகிவிட்டதாகவும் ஜிகே.வாசன் அறிவித்துள்ளார்.

நேற்று முன்தினம் கூறியபடி இன்று சென்னையில் செய்தியாளர்களை சந்தித்த ஜிகே.வாசன், வளமான தமிழகம், வலிமையான பாரதம் என்கிற அடிப்படையில் புதிய இயக்கத்தைத் துவக்க உள்ளதாக அறிவித்துள்ளார். பல லட்சகணக்கான தொண்டர்களின் வேண்டுகோளுக்கு இணங்கவே தாம் இந்த முடிவை எடுத்து உள்ளதாகவும்,காங்கிரஸ் கட்சியில் இருந்து விலகிக் கொள்வதாகவும் அவர் அறிவித்தார். மூப்பனார், காமராஜர் இல்லாமல் தமிழகத்தில் காங்கிரஸ் கிடையாது என்பதால், அவர்கள் கொள்கையோடு தம்மால் ஒத்துப் போக முடியவில்லை என்பதால் அக்கட்சியை விட்டு விலக முடிவு செய்ததாகவும் வாசன் கூறியுள்ளார்.

தாம் ஆரம்பிக்கவுள்ள புதிய இயக்கத்தின் பெயரும், கொடியும் திருச்சியில் பெரிய மாநாடு நடத்தி அதன் மூலம் அறிவிக்கப்படும் என்றும் அவர் கூறியுள்ளார்.