சிறீலங்கா சுதந்திரக் கட்சியின் பொதுச்செயலாளராக அமைச்சர் அனுர பிரியதர்சன யாப்பா நியமிக்கப்பட்டுள்ளார்.

சிறீலங்கா சுதந்திரக் கட்சியின் பொதுச்செயலாளராக சுமார் 13 வருடங்களாக செயற்பட்டு வந்த மைத்திரிபால சிறிசேன அரசாங்கத்திலிருந்து விலகி எதிரணியின் பொது வேட்பாளராக ஜனாதிபதித் தேர்தலில் போட்டியிடவுள்ளதாக நேற்று வெள்ளிக்கிழமை அறிவித்திருந்தார்.

இந்த நிலையிலேயே, ஜனாதிபதி மஹிந்த ராஜபக்ஷ தலைமையில் நேற்று மாலை கூடிய சிறீலங்கா சுதந்திரக் கட்சியின் செயற்குழு புதிய பொதுச்செயலாளராக அனுர பிரியதர்சன யாப்பாவை நியமித்துள்ளது.