வருகிற 22ம் திகதி பிற்பகல் 2 மணிக்கு அதிமுக பொதுச் செயலாளர் ஜெயலலிதா தலைவர்களின் சிலைக்கு மாலை அணிவித்து மலர் தூவி மரியாதை செலுத்த உள்ளார்.

சொத்துக்குவிப்பு வழக்கில் தண்டனை பெற்றதிலிருந்து ஜாமீனில் வெளிவந்த ஜெயலலிதா, வெளியில் எங்கும் வரவில்லை. கடந்த திங்கள் கிழமை அன்று சொத்துக்குவிப்பு வழக்கிலிருந்து ஜெயலலிதா விடுதலை ஆனபோதும். இதுக்குறித்து அல்லது மற்றவைக் குறித்து இதுவரை எந்த ஒரு அறிவிப்பையும் ஜெயலலிதா வெளியிடவில்லை. ஆனால் வருகிற 22ம் திகதி அன்று அனைத்து அதிமுக எம் எல் ஏக்கள் கூட்டத்துக்கு அழைப்பு விடுத்துள்ளார் ஜெயலலிதா.

அன்றைய தினமே பிற்பகல் 2 மணிக்கு அண்ணா மேம்பாலத்தில் உள்ள பெரியார் சிலைக்கும், சென்னை மெரீனா கடற்கரையில் உள்ள எம் ஜி ஆர், அண்ணா இருவரின் சிலைக்கும் மாலை அணிவித்து மரியாதை செலுத்த உள்ளார் ஜெயலலிதா என்று அதிமுக தரப்பு அறிக்கையில் தெரிவிக்கப்பட்டு உள்ளது.