இலங்கை தமிழரசு கட்சியின் கிளிநொச்சி, கண்டாவளை பிரதேச கிளை கடந்த 22ம் நாள் உருவாக்கப்பட்டுள்ளது.

இளைஞர் அணியின் மாவட்ட தலைவர் சுரேன் தலைமையில் நடைபெற்ற நிகழ்வில், முன்னாள் பாராளுமன்ற உறுப்பினரும் கட்சியின் மாவட்ட கிளையின் தலைவருமான சி.சிறீதரன், வடக்கு மாகாண கல்வி அமைச்சர் த.குருகுலராசா, கரைச்சி பிரதேச சபை உறுப்பினர் குமாரசிங்கம், தர்மபுரம் மகா வித்தியாயலய அதிபர் பூலோகராசா ஆகியோர் கலந்துகொண்டனர்.

இந்தக் கூட்டத்தில் கண்டாவளை பிரதேசத்துக்கான இளைஞர் அணி நிர்வாகம் தெரிவு செய்யப்பட்டது.

தலைவராக ஜெகநாதன் தர்சன், செயலாளர் கணேசலிங்கம் தமிழ்மாறன், பொருளாளர் ஆனோல்ட் ஜகநாத், உபசெயலாளராக மகேந்திரம் நித்தீஸ் மற்றும் நிர்வாக உறுப்பினர்களும் தெரிவு செய்யப்பட்டனர்.