மின்வாரிய ஊழல் குறித்த நேரடி கேள்விகளுக்கு மின்வாரியத் துறை அமைச்சர் நத்தம் விசுவநாதன் பதில் அளிக்காதது ஏன் என்று, திமுக தலைவர் மு.கருணாநிதி கேள்வி எழுப்பியுள்ளார்.

மின்வாரிய ஊழல், மீட்டர் கொள்முதலில் முறைகேடு உள்ளிட்ட நேரடி கேள்விகளுக்கு நத்தம் விசுவநாதன் பதில் அளிக்காமல், திசைத் திருப்பி திமுக மீது பழி போடுகிறார் என்று கருணாநிதி கூறியுள்ளார். மேலும்,அவர் பட்டியலிட்டுள்ள அனைத்து மின் உற்பத்தித் திட்டங்களும் திமுக ஆட்சியில் போடப்பட்டவை என்றும் கருணாதி கூறியுள்ளார்.

தமிழகத்தில் செயற்கை முறை மின் தட்டுப்பாடு உருவாக்கப்பட்டு, அதிக விலைக் கொடுத்து புதிய திட்டங்களில் மின்சாரத்தைக் கொள்முதல் செய்து வருகிறது தமிழக அரசு என்றும், இதில் அரசுக்கு பல கோடி ரூபாய் இழப்பு ஏற்பட்டு வருகிறது என்றும், தற்போதைய மின் திட்டங்கள் திமுக ஆட்சியில் தொடங்கப்பட்டவை என்றும் தேமுதிக தலைவர் விஜயகாந்த் கூறியிருப்பது குறிப்பிடத் தக்கது.