யாழ். பல்கலைக்கழகத்தில் மாணவர்களுக்கும், கல்விசார் உத்தியோகஸ்தர்களுக்கும் புதிய ஒழுங்கு விதிகள் மற்றும் கட்டுப்பாடுகள் விதிக்கப்பட்டுள்ளன.

இதன்பிரகாரம்,

1. மாணவர்களும், கல்விசார் உத்தியோகஸ்தர்களும் டெனிம் மற்றும் ரி-சேர்ட் என்பவற்றை விரிவுரை நடைபெறும் நேரத்தில் அணிந்து இருப்பதை தவிர்த்தல்.

2. ஒவ்வொரு வெள்ளிக்கிழமைகளிலும் பெண்கள் சேலை அணிந்து விரிவுரைகளில் பங்கேற்க வேண்டும்.

3. தாடியுடன் விரிவுரைக்கு சமூகமளிக்க கூடாது. -ஆகிய கட்டுப்பாடுகள் புதிதாக விதிக்கப்பட்டுள்ளன.

யாழ்.பல்கலைகழக பேரவையின் அறிவுறுத்தலுக்கு அமைய அனைத்து மாணவர்களினதும் உடை ஒழுங்குகள் பற்றி கடந்த 16ஆம் திகதி துறை தலைவர்களுக்கு இடையிலான கூட்டத்தில் ஆராயப்பட்டு குறித்த ஒழுங்கு விதிகள் கட்டுப்பாடுகள் விதிக்க தீர்மானிக்கப்பட்டுள்ளது.