மாத்தளை லக்கல பொலிஸ் நிலையத்தில் கடந்த 14ஆம் திகதி திருடப்பட்ட துப்பாக்கிகள், லக்கல வெலேலெவெல சந்தகல விகாரையிலிருந்து இன்று சனிக்கிழமை காலை மீட்கப்பட்டுள்ளது.

குறித்த விகாரையில் தலைமை தேரரினால் பொலிஸாருக்கு கொடுக்கப்பட்ட தகவல்களை அடுத்தே, ஆயுதங்கள் மீட்கப்பட்டுள்ளது.

லக்கல பொலிஸ் நிலையத்திலிருந்து 5 கிலோமீற்றர் தூரத்திலுள்ள குறித்த விகாரையின் நீர்த்தாங்கிக்கு அருகிலிருந்தே ஆயுதங்கள் மீட்கப்பட்டுள்ளது.

ரீ-56 ரக துப்பாக்கி ஒன்றும், 5 கைத்துப்பாக்கிகளுமே மீட்கப்பட்டுள்ளது. இதுதொடர்பிலான மேலதிக விசாரணைகளை லக்கல பொலிஸார் மேற்கொண்டுள்ளனர்.