கூட்டணித் தொகுதிகள் எல்லாம் போக திமுக மட்டும் மொத்தம் 173 தொகுதிகளில் போட்டியிட முடிவு செய்துள்ளது. மக்கள் தேமுதிக இயக்கத்துக்கு 3 தொகுதிகளை ஒதுக்கி உள்ளது திமுக.அதில் ஈரோடு கிழக்குத் தொகுதியில் சந்திர குமாரும், மேட்டூரில் பார்த்திபனும், சென்னை கும்மிடிப் பூண்டியில் சேகரும் போட்டியிட உள்ளனர். இவர்கள் மூவரும் ஏற்கனவே இத்தொகுதிகளின் சட்டமன்ற உறுப்பினர்கள் என்பதுக் குறிப்பிடத் தக்கது.இவர்கள் திமுகவின் உதய சூரியன் சின்னத்தில்தான் போட்டியிட உள்ளனர்.
இந்நிலையில், கருணாநிதி ஏற்கனவே தாம் சட்டமன்ற உறுப்பினராக இருக்கும் திருவாரூர் தொகுதியிலும், மு.க.ஸ்டாலின் ஏற்கனவே தாம் சட்டமன்றத் தொகுதி உறுப்பினராக இருக்கும் கொளத்தூரிலும் மீண்டும் போட்டியிட உள்ளனர் என்பது உறுதியாகி உள்ளது.எனவே, மீதமுள்ள திமுக வேட்பாளர்கள் பெயர்கள் அடங்கிய பட்டியல் இன்று வெளியாகும் என்றும், பட்டியல் வெளியான நிலையில் உடனடியாக வேட்பாளர்கள் தங்களது பிரச்சாரங்களை துவங்குவார்கள் என்றும் தெரிய வருகிறது.
0 Responses to கருணாநிதி திருவாரூரிலும், ஸ்டாலின் கொளத்தூரிலும் மீண்டும் போட்டி!