இராணுவத்தினர் உள்ளிட்ட முப்படையினரை எந்தவித காரணங்கள் கொண்டும் அரசியல் காரணங்களுக்காக பயன்படுத்திக் கொள்ள முடியாது என்று பாதுகாப்பு இராஜாங்க அமைச்சர் ருவான் விஜயவர்த்தன தெரிவித்துள்ளார்.

பனாகொட இராணுவ முகாமில் அண்மையில் இடம்பெற்ற நிகழ்வொன்றில் கலந்து கொண்டு பேசும் போதே அவர் இவ்வாறு கூறியுள்ளார்.

ஜனாதிபதி மைத்திரிபால சிறிசேன தேசிய பாதுகாப்பு தொடர்பில் பெரும் அக்கறையோடு இருக்கின்றார். அவர், முப்படையினரை அரசியல் காரணங்களுக்காக பயன்படுத்திக் கொள்ளவதை அனுமதிக்கமாட்டார் என்றும் அவர் குறிப்பிட்டுள்ளார்.