குடும்ப அட்டைதாரர்களுக்கு மொபைல் போன் குடுப்பதாகக் கூறி சைனா செட் மொபைல் கொடுத்து மக்களை ஏமாற்றுவார் என்று காங்கிரஸ் செய்தித் தொடர்பாளர் குஷ்பூ கூறியுள்ளார்.

திமுக-காங்கிரஸ் கட்சிகளின் தேர்தல் அறிக்கையை நகல் எடுத்து வெளியிடுவதற்கு இத்தனை கால தாமதம் ஏன் என்று கேள்வி எழுப்பியுள்ள குஷ்பூ, மொபைல் போன், ஸ்கூட்டிக்கு 50 சதவிகித மானியம் கொடுக்கும் திட்டத்தை அறிவிப்பதற்கு ரூம் போட்டு யோசிச்சாங்களா என்றும் கேலி செய்துள்ளார். 5 ஆண்டுகள் தூங்கிக் கொண்டிருந்த ஜெயலலிதா, இப்போது விழித்துக்கொண்டு பெண்களுக்கு நல்லது செய்கிறேன் என்று தேர்தல் அறிக்கைகளை வெளியிட்டு மக்களை ஏமாற்றி வருகிறார் என்றும் குஷ்பூ மேலும் கூறியுள்ளார்.

மொத்தத்தில் ஜெயலலிதாவுக்கு தோல்வி பயம் வந்துள்ளதன் காரணமாகவே இயலாத காரியங்களை இலவசம் என்று அறிவித்துள்ளார் என்றும் குஷ்பூ மேலும் கூறியுள்ளார்.