ஊடகவியலாளர்கள் லசந்த விக்ரமதுங்கவின் படுகொலை விசாரணை மற்றும் பிரகீத் எக்னெலிகொட காணாமற்போனமை தொடர்பிலான விசாரணை ஆகியவற்று உதவும் நோக்கில் இரண்டு ஆரம்ப விசாரணை நீதிமன்றங்களை அமைப்பதற்கு இராணுவம் தீர்மானித்துள்ளது.

குறித்த சம்பவங்கள் தொடர்பிலான விசாரணைகளுக்கு அவசியமான ஆவணங்கள் சில காணமற்போயுள்ளதாக, இது தொடர்பில் இராணுவத் தலைமையகம் வெளியிடுள்ள அறிக்கையில் தெரிவிக்கப்பட்டுள்ளது.

லசந்த விக்ரமதுங்கவின் கொலை தொடர்பில் குற்றப் புலனாய்வுப் பிரிவு பொலிஸார் கோரும் சில ஆவணங்களை கண்டுபிடிக்க முடியாதுள்ளதாகவும் அந்த அறிக்கையில் சுட்டிக்காட்டப்பட்டுள்ளது.

இந்த நிலையில், லசந்த விக்ரமதுங்க கொலை தொடர்பான விசாரணைகளுக்கு இராணுவம் ஒத்துழைப்பு வழங்கவில்லை என்று கூறப்படும் குற்றச்சாட்டை இராணுவம் மறுத்துள்ளது.