பிரதமர் ரணில் விக்ரமசிங்கவின் பணிப்பின் பேரில் வடக்கு மாகாணத்தின் அபிவிருத்தி தொடர்பில் முக்கிய கலந்துரையாடலொன்று நாளை செவ்வாய்க்கிழமை கொழும்பில் நடைபெறவுள்ளது. 

பிரதமரின் ஆலோசகர்களில் ஒருவரான பாஸ்கரலிங்கம் தலைமையில் நடைபெறவுள்ள இந்தக் கலந்துரையாடலில் வடக்கு மாகாண முதலமைச்சர் சி.வி.விக்னேஸ்வரனும் கலந்து கொள்ளவுள்ளார்.

நிதி அமைச்சின் அலுவலகத்தில் நடைபெறவுள்ள இந்தக் கலந்துரையாடலில் முதலமைச்சரோடு, வடக்கின் மாகாண முக்கியஸ்தர்களும், மத்திய அரசாங்க முக்கியஸ்தர்களும் கலந்து கொள்ளவுள்ளனர்.