சுவாதி கொலையாளி என்று சொல்லப்படும் ராம்குமாரின் அங்க அசைவுகளை ஒப்பிட வீடியோ ஒன்றை பதிவு செய்துள்ளது காவல்துறை.

ராம்குமாரை மீண்டும் போலீஸ் காவலில் எடுத்து வீடியோ பதிவு செய்யவும், அந்த வீடியோவை, கண்காணிப்பு கேமிராவில் பதிவான காணொளி காட்சியை வைத்து ஒப்பிட வேண்டும் என்றும் காவல்துறை நீதிமன்றத்தில் அனுமதி பெற்று இருந்தது. ஆனால், சிறை வளாகத்திலேயே இந்த காணொளி காட்சியைப் பதிவு செய்ய வேண்டும் என்று, நீதிமன்றம் அறிவுறுத்தி இருந்தது.

எனவே, சிறை வளாகத்தில் ராம்குமாரை காணொளி காட்சி பதிவு செய்து, ஏற்கனேவே பதிவான காட்சியை வைத்து, அங்க அடையாளத்தை ஒப்பீடு செய்ய காவல்துறை முடிவு செய்து, காணொளி காட்சியை பதிவு செய்துள்ளது என்று தகவல் வெளியாகி உள்ளது.