பொதுநலவாய நாடுகளின் செயலகத்தினை நோக்கி நடைபெற்றுவரும் பேரணி நடைபாதை வழியாக நகர்ந்து வந்துகொண்டிருந்த நிலையில் தற்போது லண்டன் மாநகரக் காவல்துறையினரின் கட்டுப்பாடுகளை உடைத்துக் கொண்டு வீதிகளில் இறங்கி பேரணியைத் தொடர்ந்து வருவதாக அங்கிருந்து உற்சாகமான செய்திகள் கிடைத்துள்ளது.

எட்டுத் திசைகள் அதிர புலத்துப் புலிப்படைகளின் படையெடுப்பால் நடைபாதை கொள்ளதாக மக்கள் வெள்ளம் திரண்டுள்ளதால் காவல்துறையினரின் கட்டுப்பாடுகளை தகர்த்தெறிந்து பிரதான வீதிகளில் இறங்கி பேரணியை தொடரந்து வருகின்றனர்.

பேரணிக்கு பாதுகாப்பு ஏற்பாடுகளை செய்துவந்த லண்டன் காவல்துறையினர் கூட திரண்டு வந்துகொண்டிருக்கும் புலத்துப் புலிப்படையினை கண்டு செய்வது அறியாது திகைத்து நிற்பதை அவதானிக்கக் கூடியதாக உள்ளதாக எமது செய்தியாளர்கள் அங்கிருந்து தற்போது தெரிவித்துள்ளார்கள்.

வெள்ளையினத்தவர்கள் துண்டுப்பிரசுரங்களை விநியோகிக்கின்றதால் ஏனைய வெள்ளையினத்தவர்கள் ஆர்வமுடன் அந்த துண்டுப்பிரசுரங்களை வாங்கிப் படிப்பதையும் அவதானிக்க முடிகின்றது. அவ்வாறு துண்டுப்பிரசுரங்களை வாங்கிய வெள்ளையினத்தவர்கள் சிலர் தம்மை போராட்டத்தில் இணைத்துக் கொண்டு வருகின்றார்கள்.

இந்த அதிர்ச்சிகரமான எழுச்சி ஒருபக்கம் என்றால் லண்டன் மாநகர காவல்துறையினரின் முன்னேற்பாடுகளை பார்க்கும் போது மிகவும் அதிர்ச்சி கலந்த ஆச்சரியமான விடையமாக உள்ளது.

கடந்த காலங்களில் பிரித்தானிய வாழ் புலம்பெயர் ஈழத்தமிழர்களின் பல்வேறு போராட்டங்களை பார்த்து அனுபவப்பட்ட லண்டன் மாநகரக் காவல்துறையினர் இன்று பல்லாயிரக் கணக்கில் தமிழர்கள் கலந்து கொள்வார்கள் என எதிர்பார்த்து பல்வேறு ஏற்பாடுகளை முன்னெச்சரிக்கையாக செய்துள்ளார்கள.

லண்டன் மாநகர காவல்துறையினர் நிகழ்விடத்து பிரதான வீதிகளுடனான போக்குவரத்தை நிறுத்தி வீதியின் ஒரு பகுதியை போராட்டத்திற்கு ஒதுக்கி சிறப்பான ஏற்பாடுகளை செய்து ஒத்துழைப்பினை செய்து வருகின்றனர்.

பல்வேறு பகுதிகளில் வீதித்தடைகளை ஏற்படுத்தி புலத்துப் புலிகளின் வீராவேசப் போராட்டத்தினை கட்டுப்படுத்துவதற்கு முன்முயற்சிகளை எடுத்து வருவதை அவதானிக்க முடிகின்றது. லண்டன் காவல்துறையினர் பல்லாயிரம் தமிழர்களை எதிர்பார்திருக்கையில் நாம் என்ன செய்து கொண்டிருக்கின்றோம்..?

கடந்த சில நாட்களாக பிரித்தானிய வாழ் புலம்பெயர் ஈழத்தமிழர்களின் தொடர் போராட்டங்களின் எதிரொலியாக பொதுநலவாய நாடுகளின் வர்த்தக அரங்கக் கூட்டம் முற்று முழுதாக நிறுத்தப்பட்டுவிட்டது. மகிந்த உரையாற்றுவது நிறுத்தப்பட்டுவிட்டது இனி போய் என்ன என்று ஓய்ந்துவிடாதீர்கள்.

இன்று மதியம் பொதுநலவாய நாடுகளின் செயலகத்திற்கு அருகாமையில் வந்துள்ள நாடுகளின் அதிபர்களிற்கான விருந்துபசார நிகழ்வுகள் ஏற்பாடாகியுள்ளது. அதனையும் தடுத்து புலத்துப் புலிகளின் எழுச்சியும் புரட்சியுமான போராட்டத்தின் காரணமாக பொதுநலவாய நாடுகளின் நிகழ்வுகள் அனைத்தும் நிறுத்தப்பட்டது என்ற புதிய வரலாற்றை படைக்க திசைகள் அதிர புறப்பட்டு வாருங்கள்.