மட்டக்களப்பு மாவட்ட பிரஜைகள் ஒன்றியத்தின் ஏற்பாட்டில் இன்று வியாழக்கிழமை காலை கல்லடி நாவலடி சுனாமி நினைவு தூபி அமைந்துள்ள இடத்தில், சுனாமியால் உயிர் நீத்த உறவுகளுக்காக அஞ்சலி செலுத்தும் நிகழ்வு இடம்பெற்றது.

மட்டக்களப்பு பிரஜைகள் ஒன்றியத்தின் தலைவர் வ.கமலதாஸ் தலைமையில் நடைபெற்ற இந்நிகழ்வில் தமிழ் தேசிய கூட்டமைப்பின் மட்டக்களப்பு மாவட்ட பாராளுமன்ற உறுப்பினர்களான சீனித்தம்பி யோகேஸ்வரன், பொன்.செல்வராசா மற்றும் தமிழ் தேசிய கூட்டமைப்பின் கிழக்கு மாகாண சபை உறுப்பினர்களான இந்திரகுமார் பிரசன்னா, இரா.துரைரெட்ணம், கோ.கருணாகரம் ஆகியோரும் கலந்து கொண்டனர்.

மேலும் இந்நிகழ்வில் சிவஸ்ரீ சா.ராமதாஸ் குருக்களினால் ஆகம வழிபாடுகள் மேற்கொள்ளப்பட்டது. இதில் மட்டக்களப்பு ஜெயந்திபுர விகாராதிபதி தம்ம ஹீ ஹிமி தேரரும் கலந்து கொண்டார்.

இதன்போது சுனாமியால் இறந்த உறவுகளுக்கு அஞ்சலி செலுத்தும் முகமாக விசேட வழிபாடும் இடம்பெற்றது. அதன் பின் மலர் தூவி அஞ்சலி செலுத்தப்பட்டது.