சென்னையில் உள்ள பாமக அலுவலகத்தில் தமக்கான சொந்த இணையத் தளத்தைத் துவக்கினார் டாக்டர் அன்புமணி ராமதாஸ்.

இணையத் தளத்தைத் துவக்கி வைத்த அன்புமணி ராமதாஸ், திமுக, அதிமுக கட்சிகளிலிருந்து மாறுபட்ட ஆட்சியை கொடுப்பதற்கானத் துவக்கமாக இந்த இணையத் தளத்தை இன்று துவக்கி வைப்பதாகக் கூறினார். மேலும், மாறுபட்ட, தரமான, செம்மையான ஆட்சியை தமிழகத்துக்கு பாமக வழங்க உள்ளது என்று கூறினார்.

வரவிருக்கும் சட்டப்பேரவைத் தேர்தலில் தம்மை முதல்வர் வேட்பாளராக அறிவித்த பின்னர் நகரம் மற்றும் கிராமம் தோறும் சென்று மக்களை சந்திக்க தாம் எண்ணியுள்ளதாகவும், பாமக மக்களுக்கு தரமான ஆட்சியைத் தரும் என்கிற நம்பிக்கையை மக்களிடையே ஏற்படுத்த உள்ளதாகவும் அவர் மேலும் தெரிவித்தார்.