இலங்கையில் நாளொன்றுக்கு சராசரியாக 650க்கும் அதிகமான கருக்கலைப்புகள் இடம்பெறுவதாக சுகாதார அமைச்சின் குடும்பநல மருத்துவப் பிரிவு அறிவித்துள்ளது.

அதேவேளை, இலங்கையில் 77 வீதமான கருத்தரிப்புகள் எதிர்பாராத கருத்தரிப்புகள் என்று சம்பந்தப்பட்டவர்களால் கருதப்படுவதாக தமது ஆய்வுகளில் தெரியவந்துள்ளதாக சுகாதார அமைச்சின் குடும்பநல மருத்துவப் பிரிவு குறிப்பிட்டுள்ளது.

இந்த விடயம் தொடர்பில் கருத்து வெளியிட்டுள்ள கிழக்கு மாகாண சமூக நல மருத்துவ நிபுணரான டாக்டர் எஸ்.அருள்குமரன், கருக்கலைப்புக்கள் 1000 என்ற எண்ணிக்கையில் இருந்து தற்போது 650ஆக குறைந்துள்ளதாக பி.பி.சி.யிடம் தெரிவித்துள்ளார்.

கருக்கலைப்புகள் மருத்துவ காரணங்களுக்காக மாத்திரமே அரசாங்க மருத்துவமனைகளில் நடப்பதாகவும், ஆனாலும் சில சட்டவிரோத நிலையங்கள் இதற்காக செயற்படுவதாகவும், அவற்றின் மீது நடவடிக்கை எடுக்கப்படுவதாகவும் அவர் மேலும் குறிப்பிட்டுள்ளார்.