தமிழக சட்டப்பேரவைக்கு மே மாதம் 16ம் திகதி தேர்தல் நடக்க உள்ள நிலையில், தமிழக முதல்வர் ஜெயலலிதா இன்று முதல் தேர்தல் பிரச்சாரம் மேற்கொள்கிறார்.

தமிழக சட்டப்பேரவைக்கானத் தேர்தல் திகதி அறிவித்த நாள் முதல், தமிழகத்தில் தேர்தல் களம் சூடுப் பிடிக்கத் துவங்கி உள்ளது.அரசியல் கட்சிகள், கூட்டணி, தொகுதிப் பங்கீடு என்று பரபரப்பாக உள்ள நிலையில்,
திமுக பொருளாளர் மு.க.ஸ்டாலின் நேற்று ஆர்.கே.நகரில் தமது தேர்தல் பிரச்சாரத்தைத் துவக்கி உள்ளார். ஆர்.கே.நகரில், பிரச்சாரம், துண்டு சீட்டுக்கள் விநியோகம் என்று மக்களை நேரடியாகச் சந்தித்து வாக்குச்
சேகரித்தார் ஸ்டாலின்.

இந்நிலையில், இன்று மாலை சென்னை தீவுத் திடலில் தமது தேர்தல் பிரச்சாரத்தை துவக்குகிறார் ஜெயலலிதா. மொத்தம் உள்ள அனைத்துத் தொகுதிகளின் வேட்பாளர்களுக்காகவும் மே மாதம் 12ம் திகதி முதல் ஜெயலலிதா
பிரச்சாரம் மேற்கொண்டு வாக்குச் சேகரிக்க உள்ளார்.எதிர்க்கட்சிகளின் குற்றச்சாட்டுக்களுக்கு இவர் தமது பிரச்சாரத்தில் பதில் சொல்வார் என்று எதிர்ப்பார்ப்பு நிலவுகிறது.