பாஜகவின் வேட்பாளர்கள் அறிமுகக் கூட்டம் திருச்சியில் அக்கட்சியின் தலைவர் அமித் ஷா முன்னிலையில் நடைப்பெறும் என்று பாஜக தமிழகத் தலைவர் தமிழிசை சவுந்திரராஜன் கூறியுள்ளார்.

நேற்று சென்னையில் பாஜகவின் தேர்தல் அமைப்பாளர்கள் கூட்டம் நடைப்பெற்றது. இன்று செய்தியாளர்களை சந்தித்த தமிழிசை, வருகிற 13ம் திகதி திருச்சியில் பாஜக வேட்பாளர்கள் அறிமுகக் கூட்டம் நடைப்பெறுகிறது என்று கூறினார். இது அமித் ஷா தலைமையில் நடைப்பெறும் என்றும், பின்னர் மாலை திருச்சியில் பாஜகவின் பொதுக்கூட்டம் ஏற்பாடாகி உள்ளது என்றும் மேலும் அவர் கூறினார்.

அப்போது பாஜக பங்கீடு இல்லாமல் தமிழகத்தில் ஆட்சி அமையாது என்று தமிழிசை உறுதிபடக் கூறினார்.