இஸ்லாமிய மார்க்கத்தின்படி உணவு தரத்தினை தீர்மானித்து வழங்கப்படும் ஹலால் சான்றிதழ் நடைமுறைக்கு எதிராக பௌத்த அமைப்பான பொதுபலசேனா கொழும்பில் இன்று செவ்வாய்க்கிழமை காலை 9 மணியளவில் பேரணியொன்றை ஆரம்பித்துள்ளது.

அது, கண்டி தலதா மாளிகையை சென்றடைந்ததும் விசேட சமய வழிபாடுகளுடன் நிறைவடையும் என்று அந்த அமைப்பின் பொதுச்செயலாளரான கலகொட அத்தே ஞானசார தேரர் தெரிவித்துள்ளார்.

ஹலால் சான்றிதழுக்கு எதிரான போராட்டங்களை பொது­ப­ல­சேனா கடந்த காலங்களிலும் மேற்கொண்டது. அப்போது, ஹலால் சான்­றி­த­ழ் வழங்குவதை நிறுத்தி வைப்பதாக முஸ்லிம் அமைப்புக்கள் உத்தரவாதம் அளித்தன. ஆனால், அந்த உறுதி மொழிகள் காற்றில் பறக்­க­வி­டப்­பட்டு மீண்டும் உணவுப் பொருட்­க­ளுக்­கான ஹலால் சான்­றி­தழ்கள் வழங்­கப்­ப­டு­கின்றது என்று கலகொட அத்தே ஞானசார தேரர் குற்றஞ்சாட்டுகிறார்.

உறுதிமொழிகளை மீறியமையை அடுத்தே ஹலாலுக்கு எதிரான பேரணியை தாம் ஆரம்பித்துள்ளதாகவும், இலங்கை சிங்­கள பெளத்த நாடு. இங்கு உணவு வகை­க­ளுக்கு ஹலால் சான்­றிதழ் அவ­சி­ய­மில்லை. எனவே எமது நாட்­டி­லி­ருந்து ஹலால் முற்­றாக ஒழிக்­கப்­பட வேண்டும் என்றும் அவர் மேலும் தெரிவித்துள்ளார்.